LINGUAGALEGA TV

No IES as BARXAS estamos colaborando coa canle de TV linguagalega TV desde o equipo de normalización lingüística , (coordinado pola nosa compañeira Iria Collazo ) e desde a plástica, porque sen dúbida unha das vantaxes do recurso audiovisual no aula é a DIFUSIÓN e  pensamos aproveitala para promocionar a nosa lingua con toda a CREATIVIDADE que teñen os nosos nen@s de Moaña .

O outro día estrearon a nosa queridísima MULLER LAMPREA, na canle 5"o vídeo no aula"
Aproveito este blog para difundir esta canle de TV que enriquece ,informa e abre a mente .

QUE É LINGUAGALEGA.TV?  É un espazo creado por Acuarela Comunicación sll, para a divulgación e promoción da lingua galega. O marco legal, histórico e emotivo desta iniciativa susténtase na Lei de Normalización Lingüística de Galicia (1983), en cuxo preámbulo se di: “A lingua é a maior e máis orixinal creación colectiva dos galegos, é a verdadeira forza espiritual que lle dá unidade interna á nosa comunidade. Únenos co pasado do noso pobo, porque del a recibimos como patrimonio vivo, e uniranos co seu futuro, porque a recibirá de nós como legado da identidade común”. O artigo 1 establece: “O galego é a lingua propia de Galicia. Todos os galegos teñen o dereito de coñecelo e de usalo”.    Obxectivos: Producir contidos televisivos que promovan o uso e o coñecemento da lingua e cultura galego Elaborar unha programación que reflicta as diversas accións de promoción da lingua galega que se desenvolven dende as administracións públicas: Secretaría Xeral de Política Lingüística da Xunta de Galicia; universidades, deputacións, concellos. Prestarase, ademais, un especial interese ao ámbito da emigración e á participación dos colectivos cidadáns comprometidos coa lingua galega: os SNL das diversas institucións, editoriais, produtoras de cine e TV, compañías de teatro, movemento asociativo, etc.                      http://www.linguagalega.tv