"ALICIA" e "O DÍA DA FESTA", creando efectos especiais

Alicia naceu dun guión de Iria Collazo, a nosa profe de galego .
Trátase da creación dun musical froito dun proxecto interdisciplinar dos departamentos de plástica e música.
O meu alumnado de 4º ESO tiña que dirixir , rodar e montar o corto, en música fixeron as cancións e os video clips.

O reto foi conseguir que Alicia encollese ou medrase, caese por un túnel, ou falase cun mono nun póster… Todo isto é posible grazas o croma.

En canto ao "Día da festa", Os alumn@s de 4ºESO crearon unha curta inspirada no clásico dos 90, "El día de la Bestia" de Álex de la Iglesia, porque o noso cine é creativo, enxeñoso e de calidade.
Uxía, inspirándose no guión,fixo unha reinterpretación do mesmo. O resultado foi unha comedia delirante e divertida.

Previo story board, os alumn@s gravaron e editaron , sendo sempre os protagonistas de todo o proceso creativo .

Como fixemos os efectos especiais en Alicia e no Día da festa?

Moi sinxelo: utilizamos o editor de vídeo iMovie, só tes que ter coidado coas sombras ou reflexos proxectados no croma. O mellor programa sen dúbida é o Adobe After Effects, pero se só tés o sinxelo Movie Maker tamén se pode conseguir.
O croma key é un filtro que permite volver transparente aquilo que ti decidas. Só necesitas unha tea, unha táboa ou unha cartolina dun verde intenso.
Un consello: procura levar roupa escura, a cor verde é reflectida polas cores claras.
En canto aos monstros ou as animacións das dúas pelis, debémosllelos ás aplicacións do iPad .
Desde apps para animación ou efectos para vídeo, creación de redes etc.
Aquí vos deixo unha selección das apps que utlizamos para estes dous traballos:

CROMA co MOVIE MAKER :ENLACE
APPS ANIMACIÓN: AnimationDesk, Animation HD, IAnimate.
CREACIÓN REDES: IOrnament, Doodle Dandy.
EFECTOS VIDEO: Action Movie, Creatures FX, Efexio.

Uxia co guión

Debuxando o story

Efectos

croma

Edición con Imovie

Trailer "El día de la Fiesta"

CURSO 2025/26

🎨✨ Benvidas e benvidos ao novo curso de Plástica! ✨🎨 Aquí atoparedes a nosa pequena ventá creativa: a páxina web onde irei compartindo co vós as tarefas, actividades e novidades ao longo do ano. Este espazo será o noso caderno colectivo: un lugar para experimentar, aprender, probar, equivocarse e volver intentar. Bo inicio de curso a todas e todos, e que a creatividade nos acompañe! https://sites.google.com/view/plasticabarxas2024/inici o

Ler máis

CEFORE 2025 360 º -ROTOSCOPIA

Animando a nosa contorna I : https://sites.google.com/view/plasticabarxas2024/3-eso/3-avaliaci%C3%B3n/animando-as-barxas?authuser=0 Rotoscopia PENCIL 2D II https://sites.google.com/view/plasticabarxas2024/3-eso/3-avaliaci%C3%B3n/animaci%C3%B3n-pencil-2d PROXECTO CURTAS 360 https://sites.google.com/view/curtas360/inicio?authuser=0 BARXAS 360 https://sites.google.com/view/artes360/inicio?authuser=0

Ler máis

"Cabelos de batalla" Mellor curtametraxe de escola no FICBUEU 2016

A nosa curta animada ' Cabelos de batalla' que trata sobre a dura loita contra o cancro infantil, realizada polos alumnos e alumnas de 4ºESO: Nerea Rosales, Manuel Escudeiro, Daniel Blanco, Lucía Freire, Diego Costa e Iria Portela en Educación Plástica e Visual para o proxecto SUPERHEROES &SUPERHEROÍNAS , con poema do escritor Miguel Ángel Alonso Diz e voz de Inés Padín , acaba de recibir o premio a "mellor curtametraxe de escola " do prestixioso festival FICBUEU 2016. No IES as Barxas non podemos estar máis felices, grazas. Manuel Escudeiro, Nerea Rosales , Iria Portela, Lucía Freire, Daniel Blanco e Diego Costa . NO FARO http://ocio.farodevigo.es/cine/noticias/nws-530149-el-fic-bueu-clausura-su-novena-edicion-mas-4000-espectadores.html BOTÓNS DE AULA ...

Ler máis

EDUCORTOS

Buscar neste blog