xoves, 19 de xuño de 2014

Premiados pola Fundación Amancio Ortega

Premio para un novo proxecto que levaremos a cabo no curso 2014-15 "creación dunha editorial"
O ÁLBUM ILUSTRADO , un traballo interdisciplinar de economía (Pilo ) e educación plástica , no que participan catro centros que podedes ver no video de presentación do proxecto, con campañas de animación á lectura , música, tradución .. (Maria, Vero, Montse e Alfonso)
Que imos facer en educación plástica?
En economía créase a empresa e nós en plástica creamos o produto.
A partir dun texto elaborado polos nosos alumnos , traballaremos a narrativa visual (o story ) , planificaremos o álbum, crearemos os personaxes e traballarán os meus alumnos con distintas técnicas de ilustración , da tradicional á dixital .
Coñecerán todas as fases de creación do álbum incluída a realización da maqueta 

Aprenderemos de distintos AUTORES ; ilustradores e escritores como Miguel Ángel Alonso.
 Pero sobre todo darémoslle a importancia que se merece á ilustración dentro do álbum ilustrado , entendéndoo como o que é, unha OBRA DE ARTE .
 Faremos exposicións e realizaremos un booktrailer previo coñecemento de distintas técnicas de animación , traballaremos coa realidade aumentada para enriquecer o libro máis aló dos seus propios límites .
Un traballo que compartiremos e documentaremos paso a paso no blog do proxecto e neste mesmo .







Related Posts Plugin for WordPress, Blogger...